తాను నటించిన సినిమా బాగుంటుంది, థియేటర్లో తమ సినిమాని చూసి ఆదరించండి అంటూ విడుదలకు ముందు ప్రేక్షకులను కోరే హీరోలను చూస్తాం. కానీ సినిమా ప్రమోషన్స్ కి డబ్బుల్లేవు, విడుదలకు సాయం అందించాలని ప్రేక్షకులు డబ్బులు అడిగిన హీరోని ఎప్పుడైనా చూశారా?. తాజాగా ఓ హీరో అదే పని చేశాడు.
వినోద్ కిషన్, అనూష కృష్ణ జంటగా నీలగిరి మామిళ్ల దర్శకత్వంలో రాజేష్ వర్రే నిర్మించిన చిత్రం ‘పేక మేడలు’. అయితే ఈ చిత్ర హీరో వినోద్ కిషన్ తాజాగా విడుదల చేసిన ఓ వీడియో సోషల్ మీడియాలో వైరల్ గా మారింది. “అందరికీ నమస్కారం. నా పేరు వినోద్ కిషన్. ‘నా పేరు శివ’, ‘గోదావరి’ సినిమాల్లో నెగటివ్ రోల్స్ చేశాను. ఇప్పుడు ఫస్ట్ టైం హీరోగా ‘పేక మేడలు’ అనే చిత్రం చేశాను. సినిమా చాలా బాగా వచ్చింది. కానీ ప్రమోషన్స్ కి డబ్బులు లేవు, ఈ క్యూఆర్ కోడ్ స్కాన్ చేసి మీకు తోచినంత సాయం చేయండి. అంటూ ఆ వీడియోలో చెప్పుకొచ్చాడు.
