ముద్ర,ఆంధ్రప్రదేశ్:-మొదటిసారిగా అసెంబ్లీలో ప్రమాణ స్వీకారం చేశారు ఏపీ డిప్యూటీ సీఎం పవన్ కళ్యాణ్. కాసేపటి క్రితమే ఏపీ అసెంబ్లీకి చేరుకున్న డిప్యూటీ సీఎం పవన్ కళ్యాణ్.. అనంతరం మొదటిసారిగా ఎమ్మెల్యేగా అసెంబ్లీలో ప్రమాణ స్వీకారం చేశారు.మొదటగా సీఎం చంద్రబాబు ప్రమాణ స్వీకారం చేయగా.. ఆ తర్వాత మొదటిసారిగా అసెంబ్లీలో ప్రమాణ స్వీకారం చేశారు ఏపీ డిప్యూటీ సీఎం పవన్ కళ్యాణ్.
కాగా, ఏపీ శాసనసభ సమావేశాలు శుక్రవారం ఉదయం 9.46 గంటలకు ప్రారంభం అయ్యాయి. దాదాపు రెండున్నరేళ్ల తర్వాత సీఎం చంద్రబాబు నాయుడు సభలో అడుగుపెట్టారు. మొదట ఎన్టీఆర్ విగ్రహానికి నివాళులు అర్పించిన అనంతరం ఆయన అసెంబ్లీకి వచ్చారు. అసెంబ్లీ మెట్లకు ప్రణమిల్లిన ఆయన సగౌరవంగా గౌరవ సభలో అడుగుపెట్టారు. మొదటగా సభ్యులంతా జాతీయ గీతం ఆలపించారు. అనంతరం ప్రొటెం స్పీకర్‌ నియామకంపై అసెంబ్లీ కార్యదర్శి ప్రకటన చేశారు. ఆ తర్వాత సభ్యులు ప్రమాణ స్వీకారం చేసి రిజిస్టర్లలో సంతకాలు చేశారు..
