ఏపీ, తెలంగాణ రోడ్ల అభివృద్ధికి.. కేంద్రం రూ.1,014 కోట్లు మంజూరు

ఆంధ్రప్రదేశ్, తెలంగాణల్లో బహుళ రహదారులు, హైవే ప్రాజెక్టుల కోసం కేంద్రం రూ.1014 కోట్లు మంజూరు చేసింది. సెంటర్ ఫర్ రీసెర్చ్ ఇన్ ఇంటర్నేషనల్ ఫైనాన్స్ స్కీమ్ కింద ఆంధ్రప్రదేశ్‌కి 200.06 కిలోమీటర్ల మేర విస్తరించి ఉన్న 13 రాష్ట్ర రహదారుల అభివృద్ధికి రూ.400 కోట్లు మంజూరు చేసినట్లు కేంద్ర రోడ్లు, రవాణా, రహదారుల శాఖ మంత్రి నితిన్ గడ్కరీ తెలిపారు. అదనంగా 2024-25 ఆర్థిక సంవత్సరానికి సీఆర్‌ఐఎఫ్‌ సేతు బంధన్ పథకంలో భాగంగా గుంటూరు జిల్లాలోని గుంటూరు-నల్లపాడు రైల్వే సెక్షన్‌లో 4-లేన్ శంకర్ విలాస్ రోడ్ ఓవర్ బ్రిడ్జి (ROB) నిర్మాణానికి రూ.98 కోట్లు ఆమోదించబడ్డాయి. తెలంగాణలోని నేషనల్‌ హైవే 565లోని నక్రేకల్ నుండి నాగార్జున సాగర్ వరకు నల్గొండ టౌన్ కోసం 14 కి.మీ పొడవు, 4-లేన్ బైపాస్ నిర్మాణానికి కేంద్రం రూ.516 కోట్లు మంజూరు చేసింది. నేషనల్‌ హైవే 565 తెలంగాణా, ఆంధ్రప్రదేశ్‌లను కలిపే కీలకమైన జాతీయ రహదారి, ఇది తెలంగాణలోని నక్రేకల్ వద్ద NH 65 తో జంక్షన్ నుండి ప్రారంభమై నల్గొండ, మాచర్ల, ఎర్రగొండపాలెం, కనిగిరి వంటి పట్టణాల గుండా వెళుతుంది. ఈ ప్రాజెక్ట్ నల్గొండలో ట్రాఫిక్‌ను తగ్గించడమే కాకుండా నక్రేకల్, నాగార్జున సాగర్ మధ్య కనెక్టివిటీని మెరుగుపరుస్తుంది. అలాగే రహదారి భద్రతను కూడా పెంచుతుంది, ”అని ఆయన ఎక్స్‌లో రాశారు. గోవాకు కూడా నిధులు మంజూరయ్యాయి NH-748లో పోండా నుండి భోమా వరకు 9.6 కి.మీల 4-లేనింగ్ కోసం డిపార్ట్‌మెంట్ రూ.557 కోట్లను మంజూరు చేసింది, ఇది ఈపీసీ మోడ్‌లో అమలు చేయబడుతుంది.