లండ‌న్ లో మంత్రి జూప‌ల్లికి ఘన స్వాగతం..

లండ‌న్ అంత‌ర్జాతీయ‌ విమానాశ్రయంలో మంత్రి జూప‌ల్లి కృష్ణారావు కి అభిమానులు, ఎన్ఆర్ఐలు, కాంగ్రెస్ పార్టీ ఎన్ఆర్ఐ విభాగం నాయకులు భారీగా తరలివచ్చి ఘన స్వాగతం పలికారు. లండ‌న్ లో మూడు రోజుల పాటు జ‌ర‌గ‌నున్న వ‌ర‌ల్డ్ ట్రావెల్ మార్కెట్ లో పాల్గొనేందుకు మంత్రి జూప‌ల్లి పాల్గొననున్నారు. రేపు లండన్ ఎక్సెల్ లో జరగనున్న వరల్డ్ ట్రావెల్ మార్కెట్ లో పాల్గొని తెలంగాణ పర్యాటక స్టాల్ ను ప్రారంభిస్తారు. అనంతరం తెలంగాణ పర్యాటక ప్రమోషన్ లో భాగంగా కాసిల్ గ్రీన్ లో నిర్వహించనున్న రోడ్ షో లో మంత్రి పాల్గొంటారు.