ఖమ్మంలో సందడి చేసిన “రాధే కృష్ణ” చిత్ర యూనిట్..

ఖమ్మం నగరంలోని జడ్పి సెంటర్ లో ఉన్న ఆదిత్య థియేటర్ లో శుక్రవారం ఎస్.వి క్రీయేషన్స్ బ్యానర్ పై చిత్రీకరించిన “రాధే కృష్ణ”(1980) సినిమా రిలీజ్ అయిన సందర్భంగా చిత్ర యూనిట్ థియేటర్ లో సందడి చేసింది. మార్నింగ్ షో తర్వాత ప్రేక్షకుల నుంచి మంచి ఆదరణ లభించడంతో థియేటర్ వద్ద బాణసంచా కాల్చి.. కేక్ కట్ చేసి సంబురాలు నిర్వహించారు. ఈ సందర్భంగా థియేటర్ లో ఏర్పాటు చేసిన విలేకరుల సమావేశంలో ఖమ్మం జిల్లా కుసుమంచి మండలం ముత్యాలగూడెం గ్రామానికి చెందిన మూవీ ప్రొడ్యూసర్ వూడుగు సుధాకర్, డైరెక్టర్ ఇస్మాయిల్, హీరో ఎస్.ఎస్. సైదులు, హీరోయిన్ లు భ్రమరాంబిక తూటిక, అర్పిత లోహిత తో కలిసి మాట్లాడారు. ప్రేక్షకులు మా చిన్న సినిమాను అధరించాలని కోరారు. సినిమా షూటింగ్ పల్లెటూరి వాతావరణం లో చిత్రీకరించమని, న్యాచురల్ మూవీగా తెరకెక్కించినట్లు చెప్పారు. కుటుంబ సమేతంగా వచ్చి సినిమాను చూసేలా మూవీని చిత్రీకరించినట్లు నిర్మాత తెలిపారు.