24
ముద్ర,సెంట్రల్ డెస్క్:-రామోజీరావు ఈనాడు సంస్థల అధినేతగా, మార్గదర్శి ప్రియా పచ్చళ్ళ వ్యాపారాలు చేసే వ్యాపారవేత్తగానే చాలా మందికి తెలుసు.అలాగే ఆయన ఉషా కిరణ్ మూవీస్ అనే నిర్మాణ సంస్థ ఏర్పాటు చేసి దాదాపు 85 సినిమాలను నిర్మించారు. అయితే ఆయన నిర్మాతగానే సినిమాలకు తన తోడ్పాటు అందించారని చాలామంది అనుకుంటారు.
కానీ ఆయన ఒక సినిమాలో కూడా నటించారు. చిన్నప్పటి నుంచి స్వతహాగా సినిమాలంటే చాలా ఇష్టపడే రామోజీరావు ఒక సినిమాలో చిన్న అతిథి పాత్రలో నటించారు. 1978లో యు విశ్వేశ్వర రావు నిర్మించిన మార్పు అనే సినిమాలో రామోజీరావు ఒక న్యాయమూర్తి పాత్రలో నటించారు. ఆయన నటించింది అతిథి పాత్రలోనే అయినా సినిమా పోస్టర్ లపై రామోజీరావు బొమ్మ అప్పట్లో ప్రచురించడం హాట్ టాపిక్ అయింది.
