హైదరాబాద్ లో విస్కీ ఐస్‌క్రీమ్ లు అమ్ముతున్న ముఠాను అరెస్ట్ చేసిన పోలీసులు

హైదరాబాద్ లో విస్కీ కలిపిన ఐస్‌క్రీమ్‌లు అమ్ముతున్న ముఠా గుట్టురట్టు చేశారు పోలీసులు. ఈ దందాకు పాల్పడుతోన్న దయాకర్ రెడ్డి, శోభన్ అనే ఇద్దరిని ఎక్సైజ్ పోలీసులు అరెస్ట్ చేశారు. జూబ్లీహిల్స్ లోని అరికో ఐస్‌క్రీమ్‌ పార్లర్లో 60 గ్రాముల ఐస్క్రీమ్లో 100 మి.లీ విస్కీని కలిపి విక్రయిస్తున్నారు. ఈ మేరకు ఫేస్బుక్ లో ప్రకటనలు ఇచ్చి యువతను, పిల్లలను ఆకర్షిస్తున్నట్లు తనిఖీల్లో గుర్తించారు. ఈ ఘటనలో 11.5 కేజీల ఐస్ క్రీమ్స్‌ను స్వాధీనం చేసుకున్నారు.