అక్రమంగా నిలువ ఉంచి తరలించేందుకు సిద్ధంగా ఉన్న 90 క్వింటాళ్ల పిడిఎస్ రేషన్ బియ్యం పట్టివేత

పాలేరు నియజకవర్గం: అక్రమంగా నిలువ ఉంచి తరలించేందుకు సిద్ధంగా ఉన్న 90 క్వింటాళ్ల పిడిఎస్ రేషన్ బియ్యాన్ని పక్క సమాచారంతో తిరుమలాయపాలెం ఎస్ఐ కూచిపూడి జగదీష్ తన సిబ్బందితో దాడి చేసి పట్టుకున్నారు. పోలీసులు తెలిపిన వివరాల ప్రకారం పిండిప్రోలు గ్రామంలోని ఓ వెంచర్లో ఏపీ 39 టిజే 5999 గల వాహనం లో 150 బస్తాలు, ఏపీ 24టీసీ 1442 వాహనం లో 30 బస్తాల రేషన్ బియ్యాన్ని డంప్ చేసి బుధవారం తెల్లవారు జామున నాలుగు గంటలకు తరలిస్తుండగా దాడి చేసి పట్టుకున్నారు. పట్టుబడిన రేషన్ బియ్యాన్ని సరిహద్దు రాష్ట్రమైన ఆంధ్ర ప్రాంతానికి తరలిస్తున్నటుగా పోలీసులు తెలిపారు. బియ్యాన్ని తరలిస్తున్న మడికంటి రాము (పిడిప్రోలు), చేబ్రోలు వాసి మణి కంఠ, ఖమ్మం కాల్వొడ్డు నేరెళ్ళ గిరీ, రూరల్ మండలంలోని ముత్తగూడెం రేషన్ డీలర్ తిప్పారెడ్డి విష్ణు వర్ధన్ రెడ్డి, ఆంధ్రాకు చెందిన బియ్యం వ్యాపారస్తుడు శ్రీనివాస్ రెడ్డి తో సహా వాహనాలపై కేసు నమోదు చేశామని ఎస్సై కూచిపూడి జగదీష్ తెలిపారు. ఈ కార్యక్రమంలో ఏఏస్ఐ రాఘవయ్య సిబ్బంది లూనావత్ వెంకటేశ్వర్లు, వీరస్వామి తదితరులు పాల్గొన్నారు.