హైదరాబాద్‌ హబ్సిగూడలో ఘోర రోడ్డు ప్రమాదం జరిగింది. ఆర్టీసీ బస్సు కిందికి ఆటో చొచ్చుకెళ్లింది. వేగంగా దూసుకువచ్చిన టిప్పర్ ముందు వెళ్తున్న ఆటోను ఢీకొట్టడంతో బస్సు కిందకు ఆటో చొచ్చుకుపోయింది. ఘటన స్థలానికి చేరుకున్న పోలీసులు క్రేన్ సహాయంతో బస్సు కిందకు చొచ్చుకు పోయిన ఆటోను బయటకు తీశారు. అందులో ప్రయాణిస్తున్న వారిని దగ్గరలోని ఆసుపత్రికి తీసుకెళ్లారు.
ఈ ప్రమాదంలో ఆటోలో ప్రయాణిస్తున్న 10వ తరగతి విద్యార్థిని సాత్విక అక్కడికక్కడే మృతి చెందింది. ఆటో డ్రైవర్ పరిస్థితి విషమంగా చూపుతోంది. అతివేగంగా వస్తున్న టిప్పర్ ముందు వెళ్తున్న ఆటోని ఢీకొట్టడంతో ఈ ప్రమాదం జరిగినట్లు పోలీసులు తెలిపారు. కేసు నమోదు చేసుకొని.. టిప్పర్ డ్రైవర్‌ను అదుపులోకి తీసుకున్నారు. స్కూల్ కు వెళ్లాల్సిన తన కూతురు తిరిగి రాణి లోకానికి వెళ్లిందని తెలిసి తల్లిదండ్రులు కన్నీరుమున్నీరుగా విలపిస్తున్నారు. ఆ తల్లిదండ్రులు పడుతున్న బాధ స్థానికులను కలచివేసింది.
