- 80 వేల పుస్తకాలు చదివానని.. నాకే అంతా తెలుసునని ఎప్పుడూ అనలేదని రేవంత్ రెడ్డి ఎద్దేవా చేశారు
- ఏ పనిని ఎవడు చేయాలో… వాడే చేయాలన్న ముఖ్యమంత్రి
- మూసీ రివర్ ఫ్రంట్ కోసం గ్లోబల్ టెండర్స్‌ను పిలిచినట్లు వెల్లడి
గాడిద పని గాడిద చేయాలి… కుక్క పని కుక్కనే చేయాలని తెలంగాణ ముఖ్యమంత్రి రేవంత్ రెడ్డి ఆసక్తికర వ్యాఖ్యలు చేశారు. హైదరాబాద్ డిజాస్టర్ రెస్పాన్స్ అండ్ అసెట్ ప్రొటెక్షన్ ఏజెన్సీ (హైడ్రా) వ్యవస్థకు సంబంధించి ముఖ్యమంత్రి మాట్లాడుతూ… 80 వేల పుస్తకాలను చదివానని… నాకే తెలుసునని ఎప్పుడూ చెప్పలేదని కేసీఆర్‌ను ఉద్దేశించి ఎద్దేవా చేశారు. మెదడును రంగరించి కాళేశ్వరం కట్టానని తాను చెప్పలేదని… అలా రంగరించి కడితే వెనక్కి తిరిగి చూసేసరికి మేడిగడ్డ కుప్పకూలి ఉంది. ఆ మేడిగడ్డ కాస్త మేడిపండు అయిందని సెటైర్లు విసిరారు.
ఏ పనిని ఎవడు చేయాలి… వాడే చేయాలి. కానీ కుక్క పని గాడిద చేస్తే నడ్డి విరిగిందన్న సామెతలా ఉంటుందని ఎద్దేవా చేశారు. మనకు తెలియని పని మనం అక్కడ కాలు విరిగినట్లుగా మనకు నడ్డి విరుగ అయితే. కాబట్టి తాను అలాంటి తప్పులు చేయనని సూచించింది. అయితే రాష్ట్ర ముఖ్యమంత్రిగా అనుమతులు ఇస్తానని… అలాగే తనకు ఏం కావాలో చెబుతానన్నారు.
మూసీ రివర్ ఫ్రంట్ కోసం గ్లోబల్ టెండర్స్
ఎవరు ఎందులో నిష్ణాతులో వారితో ఆ పని చేయిస్తానన్నారు. ఎవరి పని వారు చేసుకుంటారని. మూసీ రివర్ ఫ్రంట్ డెలప్‌మెంట్‌పై ఇంతవరకూ ఓ అంచనాకు రా ఉంది. హైదరాబాద్ నగర అభివృద్ధి కోసం నిపుణులైన వ్యక్తులను, సంస్థలను నియమించమన్నారు.
మూసీ రివర్ ఫ్రంట్ కోసం గ్లోబల్ టెండర్స్ పిలిచినట్లు తెలిపారు. కన్సల్టెంట్స్‌ను అపాయింట్ చేసి ప్రపంచంలో గొప్ప అనుభవజ్ఞులతో కలిసి పని చేసి మూసీ వద్ద దురాక్రమణలను తొలగించారు. 55 ప్రాంతాల మూసీ రివర్ వెంట ఆక్రమణలను తొలగించడంతో పాటు భూములు కోల్పోయిన వారికి న్యాయం చేస్తామన్నారు. పేదలకు డబుల్ బెడ్రూం ఇళ్లు కట్టిస్తామని హామీ ఇచ్చారు.
మూసీ నాలా వెంట మార్క్ చేసి… భూమి కోల్పోయిన వారికి నష్టపరిహారం ఇస్తున్నారు. అంతర్జాతీయ టెండర్లను పిలిచామని… సాంకేతిక నిపుణుల బృందం వచ్చి ఏం నిర్మించాలి? ఎలా నిర్మించాలి? ఖర్చు ఎంత అవుతుంది? ఇందులో పెట్టుబడుల కోసం బ్యాంకుల నుంచి అప్పులు తేవాలా లేక గ్రాంట్లు ఇప్పిస్తారా? అనేది తెలుసుకోవాల్సి ఉంది.
ఆ తర్వాత అక్కడ ఐటీ కారిడార్ ఉండాలా? ఎంటర్టైన్మెంట్ కారిడార్ నిర్మించాలా? డిస్నీలాండ్ వంటి అమ్యూజ్‌మెంట్ పార్క్ నిర్మించాలా? లేక, మూసీ మీద ఫ్లై ఉపాధిఓవర్ నిర్మించి చిన్న వ్యాపారులకు కల్పించడమా? అనేది కూడా పరిశీలించాల్సి ఉంది.
