లెజెండరీ అవార్డు-2024 లకు దరఖాస్తుల ఆహ్వానం..

సమాజంలో ప్రతి రంగంలో నిత్యం అనేకమంది నిస్వార్ధమైన సేవలు అందిస్తూ ఉంటారని, అలాంటి వారిని గుర్తించి, ఘనంగా సత్కరించుకోవాడమే అభిలాష హెల్పింగ్ హ్యాండ్స్ ఆర్గనైజేషన్ ప్రధాన లక్ష్యమని అందులో భాగంగా నిర్వహించు అల్లూరి సీతారామరాజు లెజెండరీ అవార్డు-2024లకు ఆసక్తి గల అభ్యర్థులు దరఖాస్తు చేసుకోవాలని సొసైటీ ఫౌండర్, అధ్యక్షురాలు డాక్టర్ ఎస్ సరోజనమ్మ సోమవారం ఓ ప్రకటనలో తెలిపారు. ఈ సందర్భంగా ఆమె మాట్లాడుతూ, సమాజంలో పలు రంగాలలో సేవలందిస్తున్న వారిలో 20 మంది ప్రముఖుల పేర్లతో 400 మందికి విశిష్ట వ్యక్తులను గుర్తించి, సత్కరించుకోవడమే సొసైటీ ముఖ్య ఉద్దేశ్యమని తెలిపారు. దేశ స్వాతంత్ర్య సమరంలో అమరుడైన అల్లూరి సీతారామరాజు జ్ఞాపకార్థం స్వాతంత్ర్య దినోత్సవం సందర్భంగా అభిలాష హెల్పింగ్ ల్యాండ్స్ ఆర్గనైజేషన్ ఆధ్వర్యంలో హైదరాబాద్ రవీంద్ర భారతిలో ఆగస్టు 10న అవార్డుల ప్రదానోత్సవం నిర్వహించడం జరుగుతుందన్నారు. తమ పూర్తి వివరాలతో దరఖాస్తులను జూలై 25 లోపు అందజేయాలని తెలిపారు.