30
ఖమ్మం భక్త రామదాసు కళాక్షేత్రం లో శనివారం రాత్రి జరిగిన ‘పల్లె పాటల ప్రస్తానం పాటకు పాతికేళ్ళు’ కార్యక్రమంలో ప్రముఖ గాయకులు ఆలపించిన పల్లె పాటలు ప్రేక్షకులను ఉర్రూతలూగించాయి. గాయకుడు పాగి వెంకన్న పాటల ప్రస్థానానికి పాతికేళ్ళు
నిండిన సందర్భంగా కార్యక్రమాన్ని నిర్వహించారు. ఎంతోమంది గాయకులు పల్లె పాటలు పాడి ప్రేక్షకులను అలరించారు. ఈ కార్యక్రమానికి ప్రముఖ జర్నలిస్టు చిర్రా రవి అధ్యక్షత వహించగా.. ప్రజా గాయకుడు యశ్వంత్ మేడం శేషగిరి, జబర్దస్త్ రాజమౌళి, లింగాల రవికుమార్, ముతమాల ప్రసాద్, గుద్దేటి వీరభద్రం, నిర్మల, కొమర వెంకన్న తదితరులు పాల్గొన్నారు.
